يا بحر الحزن

بحر الحزن سميت نفسك
واني الحزن كل الناس سمتني

انت يا بحر نابع من الروح
وترى انت كلك نابع من اسمي

تدري يا بحر اني من افز باليل
الگة الموت حتى الموت نايم احضني

مني اني تنبع الأهات
وقسم من الناس ملك الاه سمتني

بحرك نابع من محيط الحزن
ومحيطك كله منبعه حزني

كافي يا بحر كافي تخط احروف
ترى من اخط احروف حزني ترى كل الناس تبجي

مجلجل بالقهر محمل بالهموم
واني الحزن لبسته ثوب وثوب لابسني

واذا فكرت ابيوم اضحك
تدري نص دماراتي تلزمني

ارجوك لا تحجي عن الحزن يمي
عمري اثنان وثلاثين وثلاثة وثلاثين عمر حزني

وك عمر حزني يكبرني بسنة
وانت عمرك يوم بسنين حزني

وك لا تحجي عن الحزن بعد اليوم
ترى حياتي قصيدة والألم عنواني

وك كل حزن العراق
دم يمشي بوسط شرياني

حقك ما تعرف من اون توالي اليل
شياطين الارض ترگص على الحاني

وشيطان شعري ينزل نتسامر اني وياه
ونكتب من الالم والخوف شعر وجداني

واخيرا
وصدگ يا بحر هذا الحجيتة وياك
هذا حرف الالف التبدي بيه احزاني